陳茂波出YouTube，我沒看，讀「文匯報」知道（是的，我睇「文匯報」，貪佢娛樂性豐富，比CCTVB到位，遲吓可能訂埋「環球時報」）他在片中激動反問：「若新界東北發展再拖下去，要結婚的年輕人去邊度搵地方住呢？」
牛！局長擺明「問誰未結婚/上樓」，這樣，更激些，拍續集，向反東北的市民公開挑機：若東北再拖下去，會有下列惡果：
一，年輕人冇樓上，唔敢結婚生仔，香港人口冇新血，只有等住強國新香港人，大舉入侵！
二，再反對，阿爺出新界白皮書，大家攬住一齊，窮得只剩菜！
三，土豪鄉紳見財化水實發癲！我幾好波都卸唔到膊，實俾人咬！女村民更慘，你睇吓尼日利亞被綁架那班女學生，今日仍未獲救！林鄭都會被人×！（唔係做×手勢咁簡單呀！）
四，東北唔hum hum聲發展，你和你的下一代都要瞓街！唔係靠嚇，冇水份的，影響三條隧道濕碎啦，影響你個女夜夜𠝹手，知死未！