張崇基昨和友人出海滑水，快艇突然熄火不能發動，因情況危急致電報警，怎知海事處和警方均謂愛莫能助，以不能幫忙拖船為由叫他找朋友援手！事後崇基接受本報電話訪問，他勞氣說：「真係好荒謬，原來要自生自滅，係咪真係要死人先會處理？」
崇基控訴海事處和水警互相推卸，罔顧市民生死：「佢哋可以坐視不理各自離開，話我哋冇即時危險，唯一畀咗四個拖船公司電話我，但三個打唔到，一個話冇船，自己絕望先打999，點知佢哋話守則唔可以拖船怕拖爛，所謂水警同海事處，原來除咗死先會救你，我哋七個人喺海漂流三個鐘，最終搵附近相熟有快艇嘅朋友救我。」
採訪：皓騫
【7.1上街】 自己政府自己揀，直播7.1大遊行:
http://71.appledaily.com/