應昌佑囝囝不經不覺已經三個月大，前晚應昌佑在中環為兒子舉行百日宴，被追訪的應昌佑大感愕然，他說：「冇諗過咁多人，都只係屋企人食餐飯冇咩特別。」
應昌佑自言是一個湊仔公，除了餵奶之外，他都會一腳踢，他說：「乜我都做，𠵱家三個月冇咁辛苦，因為已經戒咗夜奶，不過囝囝經常都會整到我成身係尿呀！嘔奶，以前一個星期先換一次睡衣，𠵱家每日都要換。」應昌佑覺得囝囝每日都有變化，出世時似媽媽，越大越似爸爸，他開心地說：「好開心生咗個bb，隔兩年都想追多個女，除咗想佢黐我，我仲有一個好無聊嘅原因，就係想睇下我生個女係點嘅樣。」
採訪：小米、陳俊強
【7.1上街】 自己政府自己揀，直播7.1大遊行:
http://71.appledaily.com/