【壹週刊】遊首爾不外乎購物吃喝追星，專登去睇展覽？展覽未必一定深奧或者悶爆，好似由韓國觀光公社及SBS電視台舉辦嘅《來自星星的你》主題展，相信引起你嘅興趣。
雖然都敏俊睡房雖然冇咁宏偉，但係可以瞓係床上，嚟個隔空肌膚之親。咁快就滿足？重頭戲都未到，佈景之中最貴都敏俊嘅書房。書本唔係得個殼，全部都係真書，當然呢啲都係仿製，有關醫學、法律突顯都教授學貫中西古今。
睇完都敏俊，梗係要探埋千頌伊間房啦！相比都敏俊，千頌伊屋企就更多裝飾品，四圍都有靚相同大熊仔。
展覽仲有戲服；劇本同相集等可以睇吓，亦有互動元素，好似其中一道都敏俊隨意門，每次打開都去咗唔同空間，好好玩。仍然意猶未盡，仲可以買埋紀念品，不過，質素以花園街，唔多買得落手，唔係fans，半粒鐘就行完。全場竟然冇人形紙板可以攬吓，有啲失望囉！
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android