玩具大王蔡志明太太李惠莉昨日在九龍城廣場，與Henry哥哥合作開辦的兒童教育中心舉行開幕，蔡太的三名子女加敏、加怡及孻仔加讚齊齊撐場。加讚當然帶同太太汪圓圓前來，穿上連身短裙的圓圓陀B女7個月，人如其名成身圓又肥嘟嘟，身形膨脹，上圍明顯升了兩、三個碼、腳部亦腫起來，難怪她向記者講要求加讚陪她齊齊增肥，生完齊齊減，加讚笑言：「都錫到佢燶，我都肥咗幾磅。」
未為B女改名
圓圓透露近日陀B近況，她表示：「企又攰、坐得耐又攰，半夜起幾次身去廁所，平瞓側瞓都唔舒服，要成日轉，瞓瞓吓會抽筋，有時BB踢得好犀利，踢醒咗我，試過發夢想起身，係由BB踢醒我。」在旁的加讚知圓圓陀B辛苦：「會幫佢按摩，之前研究食啲乜嘢唔嘔，不過失敗咗。」夫妻二人表示尚未為B女改名，圓圓說：「諗緊，生咗睇吓個樣先改。」
此外，作為表演嘉賓的鄭敬基對於緋聞女友DJ瑪姬傳整容，他笑言：「有睇，恭喜佢，但我覺得佢無整過，話佢整過係一個讚美，女仔經過幾年係會唔同樣。」他還取笑對方得罪人：「佢講嘢好似男人咁搞笑。」鄭強調與她是buddy關係：「同佢不時去吓唔同地方，出吓街幾好。」
採訪、攝影：林嘉慈
【我撐公投】網頁:
http://622popvote.appledaily.com