【壹週刊】『想做就去做』真係得咩？尤其係香港，講唔到夢想，但最近有一班八十後就為夢想創業，喺佢咃世界裡面，想做的事便應該做。開餐廳、甜品屋，唔係一時衝動，而係覺得青春唔應該被浪費，夢想不應被遺忘。佢哋用時間證明俾你睇！
牛頭角志聯工業大廈內最近開咗間新餐廳，叫談風VS：再說，好有詩意。係由一班八十後嘅年青人開設，呢班人本身係一班Band 友，叫tfvsjs。幾個人對飲食生意完全冇經驗，連沖奶茶咖啡都唔識，完全靠上網自己自學。
推門入去，果然充滿年輕創意園區嘅藝術感，空間大，灰牆木枱充滿raw 味。理髮店嘅座椅、木櫃同老招牌等舊物，滲出人情味。Band友開餐廳，女仔聽到一定尖叫，不過佢哋就詬話冇諗過以Band 友開餐廳嚟做噱頭。好似阿鵬烹調出嚟嘅菜式、功夫、賣相同味道都有米芝蓮風範，食得出當中嘅熱誠。
tfvsjs之後仲會喺餐廳搞音樂會，但會將客人用餐時候分開，想支持，就要留意佢哋嘅社交網站喇！
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android