好多同我一樣撐葡萄牙同基斯坦奴朗拿度（C朗、圖）嘅球迷，睇完佢哋鬥加納場波後都應該好失落，雖然C朗終於攞到佢今個世界盃第一個入波，可惜亦係遲來嘅唯一入球，就算贏都依然出局，不過佢喺呢幾場分組賽嘅堅毅表現，令我體會到喺咩情況之下都要撐住。
過去呢3場分組賽對葡萄牙嚟講絕對唔容易，C朗最後一場仲冒住提早收山嘅可能帶傷上陣，佢嘅堅持唔止為自己，係為隊友同葡萄牙成千上萬嘅民眾，決心喺困難中帶葡萄牙再走更遠，最終出唔到線，C朗都忍唔住喊咗，但佢比任何人都盡力，比任何人承受更大壓力，C朗始終都冇放棄過。
講真，世界盃真係好多球員嘅Dream stage，呢個舞台唔係你話想就可以企到上去，而且4年一次，你話幾咁難得，下屆已經有好多球星因為高齡而緣盡呢個舞台，C朗下屆都33歲，真係唔知仲有冇得踢，佢咁珍惜喺世盃嘅每一刻，相信都係呢個原因。
文：許家樂
識睇 一定睇蘋果嘅足動世盃：
http://worldcup2014.appledaily.com/