港大學生Alex也是佔中街站義工。他於大學修讀了不少政治課程，感到自己的認知理論多於實戰，於是由商討日起就加入和平佔中做學生義工。他說自己曾想過到外國讀書，「但呢個係我嘅城市，我有責任留低去捍衞佢」。
落手落腳希望更多人參與投票，實際上反應之好也教他鼓舞，「咁多人投票反映大家對假普選說不嘅決心」。但人數被《千禧年代》前主持周融屈造假，就令Alex感到十分氣憤，更在網上寫下千字文章反駁，「我唔會好理想化話有真普選，所有嘢就迎刃而解，但至少可喺我能力範圍內阻止佢（香港）變壞」。
「民主係與生俱來嘅權利」
Alex認為，全民投票的街站是一個很好的機會，與一般人去君子論政，「既係考吓自己解說能力，又可聽到唔同政見嘅人嘅聲音，就算俾人鬧足五分鐘漢奸、走狗，都係民情嘅一種」。更重要是，他認為這次投票的確令更多人對「公民權」、「公投」等概念認知增加。
「我唔相信要有某程度的公民質素才deserve民主，民主係人人與生俱來有嘅權利。多啲人informed時，對成個公共討論嘅質素都係好事。」Alex說。
【我撐公投】網頁:
http://622popvote.appledaily.com