劉嘉玲與張智霖（Chilam）昨日齊齊現身銅鑼灣，為瑞士腕錶品牌Franck Muller新店開幕任剪綵嘉賓，嘉玲更笑言忙於為舞台劇《杜老誌》綵排，連昨日是偉仔52歲生日也未能抽空慶祝，但她在微博貼了一張偉仔的童年照，寫上：「愛不是改變對方，而是在旁守護。生日快樂！」在活動上，嘉玲表示未有時間同偉仔慶祝：「𠵱家除咗星期一休息，每日都要綵排八個鐘，冇時間同佢慶祝，冇同佢食飯就係驚喜，佢會明白，我準備咗禮物，佢有朋友會同佢慶祝。」
爆偉仔將拍喜劇
嘉玲透露排劇大壓力，搞到失眠兼嘔吐：「日前做過壓力測試爆晒煲，自己成日發𤷪𤺧，周身唔聚財，就算傾偈，行街同做運動，都滿腦子對白，不過唔使安眠藥，日日有運動會易啲瞓。」她坦言最難記台詞，她表示：「電影都可以靠導演燈光音樂，舞台劇一上台要standby，要代入角色，一齊綵排嘅演員，個個都謝君豪上身，所以我覺得家輝（梁家輝）都有壓力，不過佢應該有秘密武器。為咗套劇，我都冇飲酒，想個人醒啲。」記者笑言偉仔要忍讓她，嘉玲說：「佢咪唔出聲，佢暑期都要開戲。」問到偉仔是否拍王家衛新戲，嘉玲表示：「等佢哋自己講，係一套喜劇，唔喺香港拍。」
此外，作為代言人的Chilam獲贈200萬名錶，他表示曾送過七位數字腕錶給老婆袁詠儀：「有啲快樂係能力範圍，金錢買到快樂都係件好事。」
採訪：馬建華
攝影：沈健程
【我撐公投】網頁:
http://622popvote.appledaily.com