【壹週刊】Cally鄺美雲今年三月決定開拍賣行，短短幾個月，就係全球搜羅四億珠寶拍賣。
Cally 表示：『太陽國際拍賣行有二位要員約咗我，嚟咗我公司同我傾佢哋要成立呢一間太陽國際拍賣行。希望我同佢哋合作做珠寶部。
『我自己就揀咗去日內瓦同法國，因為果度有好多好熟嘅行家，其實嚟緊7月要拍嘅首飾，其實次前都已經收咗。但我親自去到係要表達我嘅誠意，始終我哋拍賣行係首拍，係啱啱成立，而佢哋咁信賴我呢！我哋今次第一拍已經收咗4億幾嘅貨。所以我都要帶我哋團隊多謝佢哋囉！』
Cally仲覺得最得意嘅係啲藏家，佢哋平時認識嘅時候，好做生意嘅，但今次佢哋覺得Cally非常有誠意。
Cally 話：我哋有埋成隊人去影相留念呀，拍番啲紀錄片，發覺好多人你睇佢好似未熟時幾嚴肅。當你唔好淨係純粹做生意，我哋講吓素食呀，傾吓第樣嘢，做朋友嘅時候，其實好好玩好多人都好可愛。』
其實呢次Cally 可以講係寓工作於娛樂，每日雖然做得辛苦，但係也吃得開心，都幾有旅行feel。
iPhone App免費下載：
http://bit.ly/nextplus_iphone
Android App免費下載：
http://bit.ly/nextplus_android