經過一輪分組賽後，今晚將重燃戰火，上演16強淘汰賽，分別由東道主巴西迎戰智利，以及哥倫比亞對烏拉圭。兩場波可觀性都好高，因為4支球隊都喺分組賽中盡現對進攻及入波嘅渴望，今晚誓死鬥攻！
卡雲尼夠威猛
提起烏拉圭，大家都一定仲喺茶餘飯後笑緊蘇亞雷斯上演吸血殭屍咬人事件第3集，真係唔知將來仲有幾多集，今次咬人就俾國際足協重罰停賽9場同禁止參與足球活動4個月。其實烏拉圭前鋒線上仲有另一位好耀目嘅主力球員，就係21號仔卡雲尼（圖）。
睇番首場冇阿蘇嘅分組賽，烏拉圭都係依靠卡雲尼做進攻點，其後比賽卡雲尼都為阿蘇做咗唔少掩護，令後者可以如入無人之境！卡雲尼身高1米84，高大威猛，連埋一把長髮，感覺似足泰山，世界盃又點可以唔睇佢呢？
踢波最怕黑洞
大家知唔知球場「黑洞」點解？即係每次交波畀某位球員，佢都失波，好似黑洞一樣，一去冇回頭，諷刺一啲容易失波嘅球員。
陳婉婷
太陽飛馬助教
【我撐公投】網頁:
http://622popvote.appledaily.com