電台DJ瑪姬跟鄭敬基的緋聞令她成為追訪對象，除了人氣急升，負面新聞亦隨之而來，瑪姬兩星期內被不斷爆料，昨日又有讀者報料，提供一張瑪姬初出道時大頭包包面、酷似脹爆譚小環的節目宣傳照，直指瑪姬是有整容之嫌。
提到出道時的脹爆包包臉，瑪姬日接受電話訪問時直認不諱：「我諗應該係21歲嗰年，其實冇人會覺得9年前自己個樣係會好過𠵱家，我都承認嗰時我係嚴重水腫。」瑪姬變靚了，又不停被指整容，她幽自己一默：「報道出咗，每個人見到我都係笑，話我咁樣叫做整咗容呀？仲有啲親戚都話我眼耳口鼻完全冇變，點會係整過。」
靠化妝運動變靚
女大十八變，瑪姬認為成功需苦幹：「所有女仔都可以用9年時間令自己更加靚同吸引，我唔係話自己靚，我可能係比以前進步咗，好勤力做facial，另外化妝技巧，經過年月洗禮進步咗喇！睇韓國妝點化，同埋打陰影都好緊要，啲人話個鼻高咗，塊面瘦咗，係打陰影做出來，body方面我𠵱家都好不滿，都努力中，以前有打泰拳，我𠵱家就係屋企樓下做gym，一個星期3、4日。」
被連番狙擊的瑪姬有否想過得罪人？她說：「我都有諗過，係咪有對人唔好，但係我諗唔到，我唔鍾意得罪人，因為會有報應，所以做人好𧫴慎，不過唔緊要，如果呢單新聞可以提供到少少茶餘飯後娛樂，我唔介意。」
採訪：非非
識睇 一定睇蘋果嘅足動世盃：
http://worldcup2014.appledaily.com/