【拆局】
買家又錯過了一次入平貨的機會，人就是這樣，喜歡排隊、爭購，甚至冇盤睇照買，莫非這就是人性，鍾意爭，爭回來後便馨香。
豪宅新星貝沙灣連續兩年跑輸大市，當時還看長跌的買家有錢又唔買；當月前政府宣佈放寬樓換樓雙倍印花稅付稅期限，延遲到正式買賣合約六個月後，即刻吸引到一批富豪和換樓族，擒擒青入市，搞到貝沙灣樓價即刻反彈數個巴仙。最近一期一個連租約單位，呎價竟然與交吉盤差不多，達到2萬元一呎。
上車盤仲離譜，反彈之急好似F1跑車一樣「又快又急」，據調查所得，六成大型上車屋苑價格已追回去年高𥧌位之餘，還有個別屋苑更上一層樓，拗腰破頂，令到一班淡友的上車夢又再次落空，驚青越遲越難上車的邊緣派，來一個180度大轉身，掉頭追價來換取已犧牲了的時間，加快當業主。近期類似睇樓一年半載終上車的個案屢見不鮮。
樓價隨時再破頂
至於為何樓市越升越有？財經事務及庫務局局長陳家強為求立法會議員快點通過雙倍印花稅草案，修定換樓期限由交易完成後六個月之內，即時平地一聲雷，樓市升勢首先由一手市場帶動，今月單月接近2,000宗成交，創近一年新高，二手購買力亦不斷被利好消息鬆綁。
按最近樓市走勢來看，累積購買力一併爆發，樓價指數破頂，可算是指日可待。
識睇 一定睇蘋果嘅足動世盃：
http://worldcup2014.appledaily.com/