天主教香港教區榮休主教陳日君樞機，學過拉丁文、意大利文、法文、希臘文、希伯來文；但真正學英文，原來係喺慈幼會修院教書時。牛津大學出版社新書《英語．人生》邀請陳日君等名人講點學英文。陳樞機話兒時喺上海小學學過少少雞腸，之後加入慈幼會備修院，以中文授課，平日以意大利文溝通。
1964年意大利學成返港，佢喺長洲慈幼會修院教哲學，學校起初用拉丁文上堂，後來宣佈全部改用英文，陳樞機話：「別人眼中是道特赦令，對我來說卻是張勾魂票，日常溝通和講課用的英文完全是兩回事，我真正學英文是那時候才開始的。」佢日頭睇英文報紙，晚上聽BBC電台，又同愛爾蘭籍神父學文法、作文。咁家鄉上海話呢？佢話16歲後就冇機會講，笑稱：「我明明是上海人，但偏偏一生都在講別人的語言！」