和平佔中後日再搞大規模實體投票日，原本今日喺《經濟日報》、《明報》同《都市日報》登廣告呼籲投票（圖），點知噚晚突然俾《經濟》封殺，指廣告涉及「從事非法活動」而要抽起。
據講廣告初稿曾交報館，當時完全冇問題，定稿後畀埋廣告費，《經濟》噚日傍晚卻突然變卦，佔中發起人之一陳健民話，選擇喺呢三份報紙落廣告，因為三報立場較溫和，點知抽廣告嘅舉動咁粗暴。
明明特首狼振英都話，參加佔中全民投票不涉刑事責任，《經濟日報》竟然以「從事非法活動」為由抽廣告，陳健民話完全係政治理由，絕對不能接受。
《經濟》廣告部昨晚表示不會刊登涉嫌違法廣告，編採部與廣告部獨立運作，新聞報道不受任何廣告影響。