【廁格風雲之五官之謎】林芊妤（Coffee）本月17日被爆與上市公司董事林知譽在ifc廁格「Gathering」後，幾乎日日都有新聞。日前她與舊愛羅天宇拍拖時的攬啜相曝光，昨日再有報道指她於08年以「Sing之天使」身份到首爾拍攝節目，被噴雪至臉容扭曲兼露大牙肉的相片，指她整容令五官變精緻。
「瘦咗又唔得」
對此，Coffee昨日透過WhatsApp回覆說：「是但啦！已經麻木咗！明白傳媒要咁樣做新聞，就當自己係犧牲品，我真係唔想再回應！」雖然不願多談，但被指整容Coffee似乎氣難下，再解釋謂：「瘦咗又唔得？嗰張相係08年去首爾拍嘢嗰時影，係玩緊噴雪遊戲，真係估唔到會揾呢張相嚟寫，我都要生活，放過我啦！」
有搵樂易玲
至於無綫的樂易玲可有再約見？Coffee重申自己不會逃避，她表示：「前日已經再聯絡有關同事約見，但對方話樂小姐好忙要度時間，我同公司講如果佢哋要解僱我，直接寄信畀我都可以，因為唔想面對咁多人。」據知無綫已安排Coffee下周四（3日）回公司跟樂易玲見面。
採訪：小米
【我撐公投】網頁:
http://622popvote.appledaily.com