【壹週刊】靚女空姐要落狗場幫手執便便、分狗糧，大汗疉細汗，真係我都戥你辛苦，不過空姐Charmaigne就唔係咁話。
Charmaigne年頭嚟到錦田呢個狗場做義工，因為當時有指狗場工人不辭而別，冇人餵食之下發生狗食狗事件；於是一班義工自發編更嚟幫手照顧狗狗。唔好以為同狗仔玩吓就算啊，日常照顧狗狗嘅工作，其實真係好多架：首先要清潔狗狗住嘅地方、徒手溝糧、「派餐」，仲要清潔執便便，都真係好辛苦架！
其實Charmaigne仲識傳心術同靈氣手療法，連DJ小儀都跟佢學傳心。Charmaigne嚟緊會出新書分享傳心同手法治療，佢仲自創咗一個尊稱動物嘅「你」字，以示對動物嘅尊重。
佢更呼籲各位有興趣照顧狗狗同有時間嘅朋友，可以去到狗場做義工，另外，如果家庭環境許可，亦歡迎領養狗狗，將愛同家庭生活分享俾狗狗。
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android