【本報訊】國務院推出一國兩制白皮書，被視為要顯示中央在政改立場強硬。資深大律師張健利說，知道有些人感到灰心，認為「橫掂都攞唔到好理想（政改方案）」，只要有一人一票選舉都「收咗貨先」，但他指從法律角度看，此種說法有問題。
《基本法》訂明特首最終達至普選產生，他舉例說：「如果出嚟嘅方案係狹窄，排除咗公提，佢嘅門檻又好高，第時畀你接受咗呢個，承諾下次（特首選舉），甚至寫定（門檻）低點，有人會話收咗貨先，但收咗貨冇講下一次點，唔通又嚟過呀？」
相信中央並非不會退讓
張健利未有評論目前各黨派、陣營的政改方案，強調其立場是要符合《基本法》45條，是公平公開的選舉，符合民主程序，達至真的民主政制。但他提醒：「你堅持另一方案，沒法pass（通過），你過唔到五部曲，可能第一部曲都過唔到。」
另外，張健利說有人指「你越強烈要求，中央更加強硬」，他認為這樣想反而是「對阿爺（中央）有啲唔公道」，因為這種想法已經認定中央是不講理的，但上次政改已看到中央並非不會退讓的。
識睇 一定睇蘋果嘅足動世盃：
http://worldcup2014.appledaily.com/