【本報訊】痛失兒子的尹太本身患有末期腸癌，已擴散至其他器官，她昨日哭訴自己奮力抗癌，只為等待阿明改過投入新生活，詎料一個人為疏忽，奪走兒子性命，「我擺咗咁多心機，但咁就帶走咗佢，點解青山醫院可以咁做㗎？」
憶述最後一次親吻
尹太在記者會上每當提及阿明生前軼事，都忍不住掩面痛哭。阿明自10多歲起有濫藥習慣，曾多次出入醫院，直至近年隨家人返教會後開始改變，去年10月的一次驗身，正是為了搬入戒毒中途宿舍做準備。
事故發生前，阿明與家人曾出席一個分享會，會上更親吻媽媽臉頰，「佢仲同我講『阿媽我真係好錫你』，估唔到係最後一次」。
尹太形容，阿明是個孝順仔，銀行戶口有6,000元，他將其中4,000元給了尹太、1,000元給了大哥，自己和弟弟則各分500元。
「我自己都係個癌症病人，咁辛苦捱到𠵱家，想等到個仔變好，點知死嗰個唔係我，我個心更加痛」。兒子離世，尹太心如刀割，阿明弟弟耀昌談到哥哥不幸離世，也難忍傷痛，「明明好緊，點知臨門一腳轉咗藥就咁……」
識睇 一定睇蘋果嘅足動世盃：
http://worldcup2014.appledaily.com/