立法會今日再因東北撥款變身「金鐘監獄」，議員助理經過抗議後，今日終於可以入到立法會返工。請咗兩位社運中堅周澄、王浩賢做助理嘅公專聯梁繼昌，早前就被屈有10位助理，被指偷運社運人入立法會，噚日佢搵八方伸冤，話實情佢得六位正職助理同一位負責剪片嘅兼職，其餘三位係舊年暑假實習生，老早走咗兼還番議助證畀立法會。佢話啲人因為周澄同王浩賢參加過社運而玩針對，明顯對人不對事，大讚兩人返工以嚟不知幾乖幾守規矩。
身為慢必助理嘅人民力量主席袁彌明，則投訴佢攞住立法會議助證都唔可以直落停車場，要通知保安先放行，覺得打壓越嚟越嚴重。