內地內衣生產商都市麗人（2298）噚日掛牌，代言人台灣名模林志玲有事未能出席，惟有用佢張谷胸晒事業線嘅大相頂住檔先。據聞，公司有邀請過林志玲來港參加上市儀式，可惜佢咁啱有事，另一位代言人男神黃曉明就拍緊戲，分身不暇。
講開新股掛牌，每間公司上市通常都會諗一份特別嘅紀念品送畀港交所（388），都市麗人主要賣bra，當然就係送bra畀港交所喇，不過呢個bra只係畫出來嘅。
公司特別搵藝術家畫一幅油畫，名為「破繭成蝶」，背景係一個bra，主角係一隻大蝴蝶，原來都市麗人嘅上市代號係蝴蝶，又bra又蝴蝶，成件事就好似好有意義咁嘞。
可惜都市麗人未能令到小股東皆大歡喜，股價噚日全日潛水，管理層可能要考慮搵林志玲現身谷一谷先得。