《變形4》有近40分鐘香港取景的戲份，影片結尾鳴謝香港拍攝部份的工作人員時，職銜為香港製作總監（Hong Kong Line Producer）的拾月堂負責人朱鎮安排在頭位，他日前接受訪問，揚言希望透過荷李活電影將香港帶給全球觀眾認識。為荷李活拍片有豐富的經驗的拾月堂，包辦了《盜墓者羅拉：生命之匙》（Lara Croft Tomb Raider：The Cradle of Life）、《蝙蝠俠—黑夜之神》（The Dark Knight）及《世紀戰疫》（Contagion）等片於香港拍攝的部份，其負責人朱鎮安覺得今次《變形4》跟以前在香港取景的荷李活片很不同：「今次香港喺電影入面好重要，好有特色，《變形金剛》喺全世界上映後，未來幾個月，香港一定好紅！」
2000年成立拾月堂的朱鎮安，抱負是將香港介紹給荷李活及世界不同地方認識，「通常荷李活嘅導演同監製會先話我知佢哋嘅想法，然後我會提供建議畀佢哋。《變形4》我建議導演到鰂魚涌、深水埗及土瓜灣等地方去拍，米高比爾覺得可以喺天台打好得意，所以亦接納我嘅意見。」
天台拍打戲
朱鎮安透露荷李活拍電影很有計劃和系統：「好多香港人拍電影就係到場執生，但荷李活電影人好有計劃，好似《變形4》來港拍攝前5個月，導演接納我嘅建議後決定咗要拍乜嘢地方，再用電腦畫咗一啲模擬片段，之後再嚟拍。我哋香港呢邊就會做好多準備，包括事前去到會拍嘅地方，逐家逐戶通知，亦會做足安全措施，好似主角喺天台拍打戲，我哋亦會先搵人試過拍一次，保證安全先畀演員上去拍。今次我帶成700個香港工作人員去拍都好順利，完全因為有充份計劃。」
採訪：張一明
攝影：沈健程
【我撐公投】網頁:
http://622popvote.appledaily.com