【本報訊】梁振英女兒梁齊昕疑𠝹手自殘引起全城關注。新民黨葉劉淑儀表示睇到「眼都凸埋」，又指自己2003年硬推23條時，也令女兒與別人吵架，承受莫大壓力，終選擇離開官場。食物及衞生局局長高永文則稱：「（𠝹得）唔係好深。」
高永文：𠝹得唔係好深
葉劉淑儀坦言看到相片時相當吃驚，「佢係特首個女，壓力都幾大」，又指當年硬推23條時，也令女兒葉榮欣回校時被人指指點點，「難免會有人鬧我，佢會同對方吵起來，甚至有人叫佢做小掃把」。
本身為醫生的高永文指，從相中疤痕所見「（𠝹得）唔係好深」，又指若自殺人士有多條刀痕且每條的刀痕不深，顯示自殺決心不大。曾被左派圍攻的林慧思老師也在社交網站評論事件，指自己「被他父親（梁振英）陷害也沒自殘」，勸勉梁齊昕「好好珍惜生命」。
蒲吧社工督導李慧琪表示，青少年或因不懂抒發痛苦情緒，誤以為𠝹手後「好似release（釋放）咗」；部份人也會選擇透過社交網絡貼出自殘相片，希望引起其他人關注。她又指，𠝹手個案較常見於初中女生，如成熟者仍出現自殘行為，便有可能涉及情緒問題，建議家人不要即時指摘，應多付出時間陪伴及建立關係，「佢覺得被人錫，就會覺得身體係矜貴嘅」。
識睇 一定睇蘋果嘅足動世盃：
http://worldcup2014.appledaily.com/