阿爾及利亞今晚將迎戰俄羅斯，唔講你唔知，呢支球隊喺短短6年間由世界排名100名外，升到去目前第22位。如果有最佳進步獎，阿爾及利亞真係大熱球隊！所以其實香港隊要踢世界盃……世上冇難事，只怕有心人啫。
泰達正宗陽光男
阿爾及利亞好波之人唔少，靚仔嘅都有年僅22歲既中場球員、19號仔施列迪泰達（圖），效力國際米蘭，帥哥一名，而且笑容燦爛，充滿陽光氣色；雖然佢嘅國際賽經驗較少，但勝在夠活力。至於中場發電機菲侯利，曾經被譽為「新施丹」嘅佢，射入球隊喺今屆世界盃既第一球，絕對有能力喺重要關頭改寫比賽結果，光頭形象更顯霸氣，全場東奔西跑，令人好難唔記得佢。
「晒靴」好危險
有時球員為全力爭奪皮球，會不惜一切「晒靴」搶波，無懼被踢中受傷嘅危險。所以「晒靴」名副其實就係成隻波砵伸盡晒出嚟去搶皮球。
陳婉婷
太陽飛馬助教
識睇 一定睇蘋果嘅足動世盃：
http://worldcup2014.appledaily.com/