【專訪】
保守非不能，超越底線卻萬萬不能。代表約9,000會員的律師會會長林新強，認同法官要愛國，更說「共產黨好偉大」，觸怒平時少談政治的律師，群起發出罷免的呼聲。
自言是溫和派的任建峰從未上街反釋法，今次卻走在罷免會長最前線，因為忍無可忍，「已經過晒法治底線」。面對白皮書的歪理，他呼籲同業明天上街，以示律師對核心價值「退無可退」。
友儕湧現熊熊怒火
林新強力撐白皮書之際，任建峰正在參與毅行爭普選，「朋友陸續傳嚟佢嘅言論，我仲諗：唔係呀嘛？」友儕間的WhatsApp群組，湧現熊熊怒火，「佢（林）話遲早都要有個法律定義，仲話法官判決時可以參照白皮書。律師會一向比較保守，但保守得嚟都仲可以接受，但今次佢真係過咗條底線。」
「我哋係俾人判咗死刑」
醞釀聯署罷免林新強行動期間，因林一句「共產黨好偉大」升溫，「佢仲話代表律師會，我哋個個都覺得係『被代表』，人人都好憤怒。」最終簽名如雪片般飛來，包括不少像任建峰般的溫和派。
「有個舊同事，喺我哋交聯署前一日WhatsApp我：『Kevin，我平時都唔理政治，但呢個人（林）太核突，send張form嚟畀我，我搵人幫你簽名。』」一間國際大行的合夥人，平時只談賺錢、懶理政治，連佢都有WhatsApp我，鼓勵我盡力而為。
02年始成為見習律師，現年38歲的任建峰稱，「可能有人覺得，事務律師只係識搵錢，但其實佢哋都好關注（政治），只不過因為生活各種壓力而無理。當一啲平時唔關心政治嘅人、被踩到去某個位，（相信）佢哋都一定會企出嚟，為香港嘅核心價值發聲。」
任建峰呼籲同業6.27上街：「就算你係要被殺，我哋都要畀全世界知道：我哋唔係自殺，而係俾人判咗死刑。如果呢個時候唔企出嚟，將來未必有機會。」
《蘋果》記者
識睇 一定睇蘋果嘅足動世盃：
http://worldcup2014.appledaily.com/