【惡性循環】
上班族坐得多、運動少，常維持同一姿勢，容易引致疼痛。物理治療師謝學章指出，求診者中不乏文職人士，常見都市病包括坐骨神經痛、膝蓋痛、上交叉綜合症和網球肘等，更多人是每日工作八至九小時後，肌肉開始承受不了勞損，出現痠痛，卻難辨成因。
「瞓覺都縮起膊」
謝說，曾有個案痛至無法入睡，或者睡着了都無法放鬆，結果導致惡性循環，「瞓覺係人體休息好重要嘅時間，但瞓覺時都繼續縮起膊頭，就自然會痛，痛就會醒，第二朝再開工時，佢嘅肌肉根本休息唔到，痛楚就越嚟越嚴重」。他舉例，有個案電腦肩嚴重至影響神經，引發頭痛，工作表現變差；另有個案因為駕車需要長時間維持同一姿勢，加劇肩頸痛，惟有改乘公共交通工具上班。
部份個案舉手都痛楚難當，最多只可舉至水平位置，如有30多歲男士，本身有打拳習慣，但因為工作需要常維持同一姿勢，導致嚴重肩頸痛，連舉手都有困難。這類個案如沒適當放鬆肌肉，無法重新投入運動，物理治療配合體適能訓練，就可止痛之餘，也讓他們的身體復原，繼續享受運動。
《蘋果》記者
【我撐公投】網頁:
http://622popvote.appledaily.com