世界盃果然係世界性話題，公共醫療醫生協會周年晚會，一班醫生圍埋一齊都係講波，食物及衞生局局長高永文上台致辭都以波會友，希望醫學界好似一隊球隊咁，不同單位互相合作，一齊打好場波。
高局長近來都有睇世界盃，但就變咗「政總LuLu」，佢支持嘅英格蘭同西班牙，都已經雙雙出局，剩低嘅意大利垂死掙扎。問佢會唔會轉軚，局長就話唔鍾意德軍太似軍隊，「踢波冇靈魂」，要佢轉軚佢話寧願繼續做LuLu。咁巴西又點睇呢？高局長坦言對尼馬有好感，嚇到隔籬捧巴西嘅公共醫療醫生協會新任會長陳沛然，即刻叫佢唔好幫巴西點燈。
【我撐公投】網頁:
http://622popvote.appledaily.com