史上最騎呢𡃁模組合AD2嘅成員Amy，原來唔單止玩變臉可以玩到出神入化，連玩拍檔都有番一手，佢嘅新拍檔Angi，前日喺facebook宣佈：「我正式和AD2的Amy拆夥。」跟住仲狂數Amy啲惡行，Angi先數Amy喺泰國等佢等到唔耐煩，打電話講佢壞話！之後去櫃員機攞錢，刻意遮住密碼兼暗示怕佢偷卡攞錢，最後仲明示Amy份人重色輕友，為咗一個男仔唔理佢！事後Amy喺微博留言話：「跟（根）本不懂怎樣處理這些事情，悄（稍）後會同大家交代清楚，再次多謝大家關心。」
黃夏蕙邀過檔
黃夏蕙噚日亦喺facebook講到呢件事，好似先知嘅夏蕙bb話睇到呢段消息，一啲都唔覺得特別，仲提議佢簽自己個經理人，之後又語重心長話：「唔好再咁暴露啦，儍女，第時仲要嫁人！不如考慮正正經經搵小肥豬幫妳啦！佢有經驗，又唔會對妳有邪念，做個樂而不淫的形像，D（啲）市民反而會鍾意妳呀！」
撰文：馮仁昭
識睇 一定睇蘋果嘅足動世盃：
http://worldcup2014.appledaily.com/