【壹週刊】黎瑞恩同家族坐擁百億資產嘅金利來集團三少曾智明離婚，獲得每月20萬贍養費，究竟呢20萬夠唔夠小恩子三母子使呢？我哋計一計條數先呀！
搬去大埔比華利山屋苑嘅小恩子，5萬5屋租要自己俾。一對仔女每月國際學校學費就要3萬蚊。補習同課外活動費又要多使3萬蚊。加埋平時啲日常生活使費，三個人大概3萬蚊。一個工人人工約6千蚊。全部加埋每個月，小恩子就要使成15萬1千蚊。七除八扣，20萬都係剩低5萬，唔算好鬆動。
就贍養費方面，我哋問番謝偉俊律師，了解男方支付贍養費嘅數目，係咪應該要令女方維持離婚前一樣嘅生活水平。謝偉俊就咁回應：「呢個係盡可能，當然最重要係睇雙方 經濟條件同需要，呢個係其中一個重要因素，要保持與婚前相同嘅生活水平，呢個係理想化，但實際好多時係做唔到，原本一份變兩份比較困難，所以只係其中一個考慮因素。」
不過謝偉俊律師就話如果男方家底顯赫啲，就可以俾多啲。但曾智明咁「度叔」，小恩子想攞多啲生活費都難啲喇！
iPhone App免費下載： http://bit.ly/nextplus_iphone
Android App免費下載： http://bit.ly/nextplus_android