阿爺吹雞阻佔中，點止周融呢類匹夫有責呢？一直唔知代表緊邊一位婦女嘅香港各界婦女聯合協進會噚日就喺報紙登聲明，寫住「如果你愛你的孩子，香港未來的主人翁，你能容忍香港的法治精神被摧毁嗎？」矛頭直指佔中，個「愛」字仲套咗紅，細膽啲仲以為邪教宣佈世界末日。
八方知道，婦聯會成員之一、康馨婦女會嘅主席廖美玲最近出咗個message畀啲會員，話邊個喺個會宣傳公投，就即時踢出會。
廖本身係新民黨黨員，選過兩屆區議會都落敗，佢同八方講，「康馨」係慈善團體，唔想介入政治，叫人公投會令個會「變天」，所以先要出電郵阻止喎。
【我撐公投】網頁:
http://622popvote.appledaily.com