搭得巴士多嘅人，普遍對每排3個座位嘅巴士冇乜好印象，皆因人多起上嚟或者隔籬位咁啱大隻少少，就會逼到爆，兼夾有啲冇公德嘅人，硬係鍾意坐正中間獨霸3個位，搞到其他人冇得坐。現役專營巴士車隊入面，得番九巴仲有3部呢種「3+2」座位佈局嘅雙層冷氣巴士，即係巴士上層一邊坐3個，另一邊坐兩個。不過呢啲日子過埋今日就冇喇，因為呢3部車做埋今晚就會全部退役。九巴為咗告別逼爆時代，特別搞咗個儀式，響今晚9點會安排呢3部車一齊行80M線，由九龍塘港鐵站去穗禾苑，畀機會大家送佢哋「最後一程」。九巴話，乘客對巴士舒適度要求增加，呢種座位佈局都係時候淘汰咁話。
【我撐公投】網頁:
http://622popvote.appledaily.com