李嘉欣昨日身穿紫色Pucci短裙於圓方出席護膚美容品牌Shiseido新店開幕，同場還有貝安琪、顧紀筠與姚書軼等人，為補祝嘉欣上周五的44歲生日，大會送上一隻藍寶石戒指作禮物，被問到如何過生日，嘉欣說：「過得好平淡，囝囝捧住生日蛋糕唱生日歌，老公送咗禮物雖然唔貴重，但佢夾埋屋企嘅菲律賓姐姐，用咗特別方法送畀我，我覺得都幾有心思，知道點樣取悅我。」
囝囝現真身老公嬲爆
對於昨日有雜誌拍到囝囝Jayden Max正面相，嘉欣說：「老公好唔開心，唔打格仔真係好嬲，會影響小朋友成長。」提到有傳Jayden喜歡同校的鄭中基囡囡Emma，嘉欣說：「我個小朋友鍾意男仔同女仔，因為佢鍾意講嘢，對講嘢好叻嘅小朋友，佢都好鍾意。其實小朋友玩得埋就冇分，最重要係肯同人玩、鍾意分享。」日後出街時會不會加倍小心？嘉欣表示會如常生活，她更認為小朋友認識多點小朋友，對社交圈子是好事。
提到正在舉行的世界盃，於德國長大的貝安琪透露周五會撐德國隊，而顧紀筠之前則相約朋友一同睇波，但為怕難敵睡魔，打麻雀耍樂，輸了便罰飲酒，她笑說：「點知最後因為飲醉咗，睇唔到賽事，但係到咗四強，點都會睇。」
採訪：黃曉妍
識睇 一定睇蘋果嘅足動世盃：
http://worldcup2014.appledaily.com/