622/629投票讓人感覺小城的幸福，因為：
一，今日我們還有揀朋友的自由，跟老友聚會，叫老友去公投，不用怕被屈「你個朋友唔係中國like的朋友喎，你要檢點些！」
二，揀朋友和揀議題，仍然可以憑良心去揀，唔使睇中國政府和本地建制派臉色，唔使自我檢點。投票，有得揀三個方案，不滿意可以投棄權，自己方案，自己挑！
三，選票和手機程式都是白色底，但不是白皮書那種。投票期間曾經紅雨和黃雨夾攻，卻沒有白色恐怖。（白波衫的英格蘭，分組賽就出局！恐怖啊！）
四，投票講個信字，以前人際關係就係咁，講求信任忠誠，獅子山下經典民風，今次公投再現！
五，公投經歷世界級的強國黑客網絡攻擊。中央黑幾多，香港就癱幾多！不用嘥錢搞科技局了，年青人立志做個「反黑達人」吧。在未來的「黑社會」，要黑得正，黑得硬，做黑客中的白帽子，馳騁網絡，智鬥黑爺；實行連線小確幸！