中環OL近日多個shopping地方。來自西班牙嘅快速時裝ZARA位於中環連卡佛大廈嘅新旗艦店，上周悄悄開張。新店共六層，面積超過5.5萬方呎，係亞洲區內最大旗艦店。
ZARA母公司Inditex傳訊總監海恩斯，噚日專程來港介紹新舖。𠵱家ZARA喺香港同內地分別有13間同逾100間分店，海恩斯話，將保持目前開店步伐，9、10月會喺阿里巴巴旗下天貓網開舖，跟ZARA自家網站平行發展。
客人鍾意網上睇完，落舖買又得，兩個業務好難分得咁清楚，所以網購跟實體店生意要互相配合。
ZARA出名夠快，海恩斯話，分店每兩個星期可以訂一次貨，分店員工根據顧客口味落單，兩粒鐘內，西班牙總部就會收集訂單，8小時可準備好貨品，48小時之內，產品就會送到去舖頭！
識睇 一定睇蘋果嘅足動世盃：
http://worldcup2014.appledaily.com/