【後記】
偲嫣BB周日下晝開始絕食，至周二傍晚都只係50幾個鐘，不過佢嘅支持者竟然畀咗張寫住已絕食77個鐘嘅紙牌，叫偲嫣BB拎住影相，陷害佢絕食篤數。佢話噚晚凌晨1、2點特登磅過重，絕食一日半就輕咗6.2磅，八方聽到心有戚戚焉，即刻問佢平時食幾多餐呀，佢話都係兩至三餐咋，減肥成效咁高，希望佢唔好放棄。
偲嫣BB話前日黃昏感到天旋地轉、反胃，不過佢話會繼續撐。如果周五都仲未入廠，佢唔會因反東北人士到嚟集會而退縮，「如果佢哋埋嚟衝擊我、做不利我嘅事，全香港人都會睇到」。也許佢真的太累，噚日傍晚瞓咗個半鐘。「偲嫣躺下了，也許不可以再起來」，所以一早交託之後嘅安排。佢話阿仔叫過佢停止絕食，但偲嫣BB唔肯放棄，好有骨氣囉。入夜，金金大師等廿多名網民帶齊食物向偲嫣BB大唱《喜歡你》，祝福佢堅強撐下去。
【我撐公投】網頁:
http://622popvote.appledaily.com