臨近7.1，總有政治檢控。本土派組織「港人自決藍色起義」兩名成員陳梓進、鍾健平，以及曾喺民間電台做主持嘅獨立音樂人黃俊珏，去年7.1遊行期間，被指曾喺崇光百貨公司同警察衝突。事隔9個月，警方今年4月先拉人。三人拒認兩項非法集結罪，控方話會傳召10名證人，押後到10月27日開審。辯方律師喺庭外話，「不反對通知書」有不合理限制嘅地方，佢哋會以呢個理由作出抗辯。咁即係反對「不反對通知書」？
黃俊珏又同法官解釋，原本搵律師文浩正幫手另搵律師，但文太忙，所以佢噚日冇律師代表。八方諗諗吓又真係，長毛梁國雄三年前衝擊替補機制論壇，判監四周，文浩正係梁嘅律師，今個月仲幫長毛上訴到終審法院㖭。
【我撐公投】網頁:
http://622popvote.appledaily.com