唔係人人都可以用自己個樣嚟做政治宣傳，一係你就好似李柱銘、陳日君、余若薇咁，一企出嚟就人人知你係民主鬥士；一係你就要樣靚，令人多留一刻聽你講嘢。曾經打入香港小姐最後五強、人民力量主席袁彌明應該屬於後者。
佢噚日喺facebook上載一幅相，相中佢身穿橙紅色長裙、set晒頭化晒妝，網民都話佢cool到爆，幅相旁邊寫住「唔好再同我講公民提名違法，區議會同立法會選舉一直採用公民提名。」Erica話，呢幅相係佢早排為咗自己舖頭宣傳時嘅「存貨」，加上佢個助理係平面設計能手，所以今次試吓用自己個嘜頭，幫公民提名宣傳一下，反駁歪理。
識睇 一定睇蘋果嘅足動世盃：
http://worldcup2014.appledaily.com/