近期流行嘅「美魔女」，通常都係話啲年過35歲又keep得非常之咁好嘅女性。
35歲以上的女性們，很想青春常駐吧！不過有啲嘢你恨都恨唔到呢…嗰樣嘢就係天賦喇！不嬲被公認係素顏美女嘅S.H.E成員Hebe﹝田馥甄﹞，最近殺咗過去峇里島，仲不停喺facebook 上載自拍相。有網友就Po番Hebe十年前喺印尼影嘅寫真相出嚟，驚嘆佢「冇！變！過！」之後網友仲開始玩找不同，發現Hebe個樣同埋膚質狀況同10年前根本冇太大差別，仲話甚至變得更靚呀。
同Hebe一樣十年如一日嘅，仲有今年已經38歲嘅林心如。心如BB噚日喺微博上載咗一張2003年同2014年嘅相，內容寫着：「聽說～這是2003年紫藤戀的小彥祖，轉眼間都長那麼高了，真的是讓姐姐情何以堪啊。」
相中係11年前，同佢一齊演出劇集《紫藤戀》（港譯：酒莊情緣）嘅小演員小彥祖合照，若果唔係心如寫明另一邊合照嘅男生，係同一個人，真係冇人諗到，兩張相差咗11年影嘅相，望落去心如嗰樣係完全係一模一樣，冇錯，係一模一樣﹗﹗﹗相反旁邊男生小彥祖，經已由小男孩變成高大男生，邊個情何以堪啲呢？似乎係呢位小彥祖情何以堪多啲喎！
話時話，心如BB究竟食咗邊隻防腐劑？唔識老嘅﹗
識睇 一定睇蘋果嘅足動世盃：
http://worldcup2014.appledaily.com/