正當何家三房千金何超蓮到台北會男友，那邊廂她的四房家姐何超盈日前在首爾度假。一眾富二代包括超盈與密友林愛兒、嚴紀雯、石貞善、陳柏熹等齊齊坐私人飛機到首爾，參加美國邁亞密South Beach在當地舉行的Ultra Music Festival。短短三天的音樂節，朝12到晚12的音樂會，加上poolside party，大家都玩到癲喪之餘，原來他們拍心口在當地為一對好友送上神秘的求婚派對，派對以美國國旗為主題，各人穿上美國國旗的衣服、頭戴花環，過了一個難忘的韓國之旅，玩得忘形，超盈更與愛兒攬攬合照。
玩足兩日三夜
藝人溫家恆在Instagram上載多張派對的照片，原來他與一眾富二代相當稔熟，他說：「我同Harris（陳柏熹）係中學同學，一齊喺英國讀書，同Sabrina（何超盈）佢哋到𠵱家一直都有出嚟玩。我哋去咗韓國三日兩夜，係去慶祝一件喜事，朋友開到聲一定會幫手，因為我哋對情侶朋友係喺美國邂逅，所以今次就諗到美國國旗呢個主題，加上今次係去音樂節順便做呢件喜事，大家都玩得好開心。」
採訪：唐如
識睇 一定睇蘋果嘅足動世盃：
http://worldcup2014.appledaily.com/