內房企業當中，華遠地產董事長任志強同SOHO中國（410）老闆潘石屹出名鍾意喺網上發表意見，原來上實城開（563）主席倪建達亦好此道，佢活躍於社交平台新浪微博，至今擁有14萬粉絲。
倪建達仲係典型嘅「微博控」，意思指佢每日花唔少時間喺新浪微博，平均每日更新3.4條微博。
倪建達解釋，鍾意利用社交平台搶佔輿論，曾試過去美國出差，喺微博上知道佢公司旗下城開中心大樓嘅頂樓冒黑煙，他第一時間發佈微博解釋火警原因，消除公關危機。
50歲嘅倪建達加入上實系接近20年，身兼上實控股（363）副行政總裁，雖然一直喺體制內打滾，但作風同想法偏向市場化，對人亦未見國企管理層常有嘅官威，他估計同佢出身草根有關。