幫港出聲幾名成員到警察總部、立法會及政府總部，頒錦旗表揚警方及保安，撐佢哋早前處理立法會衝擊事件。
成員周融騎劫全港700萬市民，話市民同佢哋幾個人站在一起，唔希望香港有動亂，指佔領中環無論如何都係違法。佢又抹黑有近70萬人投票嘅公民提名方案，質疑網上投票有篤數之嫌，只有一小撮4萬市民實體投票政府應該注意。佢形容香港目前形勢係自67年左派暴動以來最嚴峻。
幫港出聲自我宣傳式的嘉許，警方就相當畀面，派出助理處長李建輝接收錦旗。周融主動伸手同政總保安握手，不過有保安唔願同佢握手。幫港出聲幾名成員途經政總，明知「正義聯盟」召集人李偲嫣喺度絕食都冇順道慰問，仲要兜路走。
識睇 一定睇蘋果嘅足動世盃：
http://worldcup2014.appledaily.com/