【6.20-6.29投票】
近日我城乍現的種種猙獰，令人驚覺香港的核心價值正危如累卵，會隨時粉碎。危機重重，喚起了本港不少專業人士守護良知。白皮書的粗暴、赤裸、律師會會長林新強的荒謬言論，激發更大的民憤，叫港人用腳步代替吶喊，以選票維護尊嚴和公義。
記者：馬志剛 謝明明 白 琳 林社炳
昨日票站門外，不少專業人士現身輪候投票隊伍當中，其中包括擔任律師的劉氏夫婦。他倆認為實體投票「有誠意啲」，表示投了學民與學聯的方案，因結構簡單、精神清晰；並認為立會應否決不符國際標準的政改方案，「相信冇一個中途（站），政府或中央在今次推普選後，就唔會再有第二次」 。
對於白皮書一國大於兩制、高度自治非自治等內容，劉先生指的確如建制派所言，是早就有的東西，唯一不同是今次由國務院以看似正式的文件寫出來，是中共明目張膽去說，「03年我哋仲有幻想，港人係對香港政府，但今次港府講乜都冇人有興趣聽，梁振英講乜都冇咩人理，因為我哋知道最後對手係共產黨」。
指提名權最實際
對於律師會會長林新強的言論，身為律師的劉先生也認為「同03年好似，去到呢個時候，就會有人講啲好stupid嘅說話，真係好失禮、好唔professional」。
白皮書的「坦白」程度，喚醒港人要奮起反抗。投票人士曾小姐說，港人多年來不能自己選特首，「冇得揀」下政策令社會不斷惡化，「呢份白皮書已經基本上講明冇普選，擺到明冇一國兩制，中英聯合聲明都唔係咁寫」。她說白皮書內容與一國兩制的架構完全不同，「一睇就知連《基本法》都唔符合，尤其是法官當做治港者，係好離譜嘅事」，相信香港人不會認同。對於林新強言論，她說「𠵱家連律師會啲人都唔信任佢，唔認為佢可以代表律師會」。
杜先生一家三口前來投票，也認為中央推出白皮書，「雖然話籌備好耐，但提出時間係針對港人嘅政改時刻」。他指白皮書內容「根本就係兇緊香港人。內地、政府立場硬，香港人就要比佢企得更硬」。他堅決表明不接受有篩選的普選，「每個人都應該有權揀個人出嚟畀大家選，咁先係真正普選」。
鍾先生就帶同幼童投票。他說投票除了為表態，更是為下一代出一分力，力斥白皮書「根本係一場戲，香港人唔須要理佢」，認為內地腐化問題嚴重，迎來變革只是時間問題。他認為，港人對現屆政府不滿「係因為我哋冇真正選擇權」，指提名權最實際，所以一定要爭取人人都有提名權。
排隊等投票的人當中，更有身披素衣的尼姑。她未有留下法號，僅表示來投票是一盡公民責任，又強調白皮書內容不公平，自己生於斯長於斯，投票是出於對香港的愛護。
【我撐公投】網頁:
http://622popvote.appledaily.com