林鄭面對一開口就機關槍似的黃之鋒，即刻大媽樣，一錘定音，冇商冇量，用手指篤實對方：「你唔好掂我，唔該。」
忽然吳得掂上身，林鄭月娥搖身變成「唔好掂娥」！特區司局忽然多了「兩個掂」，橫掂都係與民為敵，當民意是噪音，毀人家園大搞建屋大躍進，還說抗議者是暴民。這樣，全部建制派變身阿掂，立法會保安，尤其「唔掂得」，一掂就倒地，百分百豆腐渣！既然管治團隊退化成這樣，特區政府索性全部退隱，開咪代替出巡，實行見聲唔見人好了。問誰未蒲頭？講笑咩，還出來行？唔驚竹枝撬門咩？唔驚玩具槌仔咩？唔驚俾後生仔掂咩？「唔好掂我！」「你用緊暴力！」「冇對話空間！」聽落還以為是典型港女耍花槍！唔好掂娥，搞清楚喎，黃之鋒不是狂蜂浪蝶！
後記，網上公投有人「被投票」，中共plan B出籠，網絡隨時跪低，投票會「捨我其誰」！各位，再唔向西環方向怒吼：唔好掂我！就太遲！