羅霖、鄺文珣、汪琳和張崇基等，昨日與仔女出席在青衣城舉行的《變形金剛4》開幕禮，與8歲的囝囝到場的羅霖，她稱不怕戲中內容血腥影響小朋友，反而遇到性感鏡頭會遮住細仔對眼，但會順道教他性知識。她說：「大仔13歲時已有興趣問我，作為父母，要早啲灌輸子女性知識，大仔𠵱家18歲，都有拍拖，我同佢話要以學業為重，唔好一腳踏兩船。」問到會否擔心很快做「奶奶」？羅霖笑說：「唔擔心，係非常開心。」鄺文珣被問到舊愛劉愷威都已為人父時，她說：「梗係知道啦，但我哋冇聯絡喇，好戥佢開心，我一向好贊成結婚生仔。」
採訪、攝影：溫敏芝
識睇 一定睇蘋果嘅足動世盃：
http://worldcup2014.appledaily.com/