雖然B組嘅第3輪賽事已成例行公事，荷蘭將同智利爭首名出線，已經出局嘅澳洲同西班就為啖氣而戰，希望藉住最後機會證明自己嘅實力。澳洲係亞洲球隊中暫時最能踢出水準嘅一隊，特別係輸畀荷蘭3:2呢場波，同歐洲勁旅踢成均勢，今晚對住西班牙，真係有機會可以再證身價。
超新星賀路雲
澳洲自從基維爾退落嚟之後，好似真係冇乜出過邊位靚仔球星。不過長江後浪推前浪，上場比賽後備入替嘅10號年輕球員，就係年僅22歲司職中場嘅賀路雲（圖）。如果講靚仔程度，賀路雲就應該係近年之冠，一頭金髮加上英俊嘅容貌，一眼就睇到佢，加上表現搶鏡，成為咗澳洲超新星。
「窩利」波係乜？
上場比賽澳洲前鋒卡希爾射入咗球「窩利」世界波，即係皮球從高空落下時，球員球不着地抽射。如果今晚仲有得睇多次就好喇，靚波真係唔怕一睇再睇。文：陳婉婷（太陽飛馬助教）
識睇 一定睇蘋果嘅足動世盃：
http://worldcup2014.appledaily.com/