澳門特首崔世安上星期喺公眾場合銷聲匿迹，唔通因為推出反離補惡法，爆發澳門最大規模嘅示威而冇面見人？澳門文化司司長張裕前日解釋，吹水安因為痛風，腳部行動受影響，聽醫生話而唔出席公開場合休養，預計本周返工。
嘩，香港前任特首董建華，當年都係因為「腳痛」落台，吹水安喺搞出大頭佛後又「腳痛」，唔通暗藏落台玄機？澳門電台記者噚日朝早，喺雀仔園附近嘅廟宇福德祠，「撞到」吹水安去上香，到底係為自己嘅健康定政途求神拜佛？
吹水安同記者講，醫生建議佢噚日恢復到戶外活動喎，強調痛風冇影響工作，只係行動時有啲痛箒，𠵱家已經康復，力證自己好健康，要爭取連任冇難度。吹水安仲強調尊重學術同言論自由，又重申政府一貫依法支持同尊重新聞自由。
識睇 一定睇蘋果嘅足動世盃：
http://worldcup2014.appledaily.com/