內房新股國瑞置業（2329）主席張章笋有位餅印女兒。話說噚日國瑞舉行招股記者會，張主席身旁有位年輕靚女高層，兩人笑起上嚟，眼神相當一致，好容易估到呢位靚女就係太子女張瑾。
根據招股書，張瑾只得30歲，2007年畢業於澳大利亞霍姆斯學院，主修工商管理專業，去過哈佛大學進修國際房地產高級領導課程，又去過劍橋大學進修全球化企業家發展課程。佢未畢業，2006年就加入公司，初期負責商業物業管理，𠵱家係公司執行董事兼副總裁。可惜噚日佢冇出過聲，好難估到呢位富二代有冇料到。
至於其他高層，財務總監董雪兒亦值得一提，佢今年36歲，招股書介紹佢喺1997年加入公司，即係話佢19歲就喺呢度工作，由初期擔任國瑞管理總賬會計，變為成間上市公司財務總監，認真厲害。
【我撐公投】網頁:
http://622popvote.appledaily.com