福建幫向來被歸類為建制派，但78年移居來港的福建籍「舊」移民陳太（圖），昨日則用投票表達她不是只求和諧的福建人，將手上一票給了真普聯方案，她直言是因國務院早前發佈的一國兩制白皮書威脅到香港司法獨立，才被激出來投票，「冇飯開我唔驚，最緊要係司法獨立」。
作為家庭主婦，陳太一直有關心時事，她本來支持陳方安生的香港2020方案，由於未有入選，本來無意投票。「白皮書話一國兩制係大陸畀乜，我哋就要接受，咁樣落去好擔心香港司法，（警方）鍾意拉就拉，驚啲仔女享受唔到司法獨立，睇新聞就知，內地有唔少冤案。」經歷過內地文化大革命的她，遂站出來投票。
仍然帶有福建口音的陳太，希望北京信任香港人，給予香港人真普選機會，「第日真係有問題，先至再收番，相信香港人啦」。
【我撐公投】網頁:
http://622popvote.appledaily.com