肥佬黎噚日出席城壇時特別請保鑣護駕，其間保鑣用嘅七人車喺電台對開的廣播道等老闆，點知無端端俾人撞，仲一度傳出肥佬黎撞車，好彩最終只係「誤中副車」，虛驚一場。
噚日下晝約1點，負責保護肥佬黎嘅保安公司七人車停喺港台門外，準備等肥佬黎坐平治房車離開時尾隨護送，點知肥佬黎未出嚟，一輛黑色私家車突然撞向保鑣車車尾，不顧而去仲撞欄。
「我平時揸開林寶堅尼」
車上保鑣見狀即落車包抄，喺700米外將該車截停，警員此時亦趕至，原來揸車嘅係35歲姓夏女子，佢滿身酒氣，經酒精測試證實達75微克，超標兩倍。夏女向警員聲稱睇世界盃飲咗酒，又話部車係司機揸開，「我平時揸開波子、林寶堅尼」，最後因涉酒後駕駛被警員拘捕帶署。
識睇 一定睇蘋果嘅足動世盃：
http://worldcup2014.appledaily.com/