仲有兩個幾月就70大壽嘅白韻琹同謝偉俊（Paul），自97年喺拉斯維加斯秘婚後，近年頻傳婚變，上年白姐姐先公開鬧爆Paul，不過次次鬧完冇幾耐又冇事。不過上個星期四（19日）白姐姐唔知係咪心情唔好，一個人戇居居咁坐喺銅鑼灣時代廣場露天空地啲樓梯級度，一坐就坐咗成二十分鐘，其間白姐姐一直眼望前方，發晒呆咁冇表情坐喺度，可能坐得耐腳痹，就將兩腳伸高伸低做吓運動。
監督工人搬傢俬
咁啱呢排蝙蝠俠喺嗰度擺展覽，入夜後都好多途人喺佢身邊行來行去搵位影相，但佢都冇乜反應，有人放狗散步，白姐姐仲唔介意同隻狗一齊坐喺度，馮仁昭八卦企喺度等咗陣，終於見到一架小型貨van駛到，白姐姐一個箭步走上前，原來佢係call咗車，叫埋搬運工人幫佢喺一座唐樓度搬咗啲床褥落嚟，馮仁昭數過至少有四張床褥，另外仲有床架同一個小型櫃，搬運工人將啲嘢放晒上車，白姐姐就一直做監督咁𥄫到實。
撰文：馮仁昭
【我撐公投】網頁:
http://622popvote.appledaily.com